Strid om fritt fiske i Jølstravatnet

Direktoratet for Natruforvaltning meiner Jølstravatnet er eitt av fleire vatn i Norge med fri midtsone, der det er gratis å fiske. Men det avviser grunneigarane.

Per Kristian Grimeland

Midt på Jølstravatnet er det ei sone ingen er eigar av. Det meiner i alle fall Stig Johanson i Direktoratet for Naturforvaltning. Han seier ein høgsterettsdom frå 1935 slår fast at det i dette området skal vere gratis å fiske.

Korleis i alle dagar skal ein kontrollere kor den frie midtsona i Jølstravatnet går? Det hjartesukket kjem frå Oddmund Støylen, grunneigar og formann i fellesstyret for fiskelaga i Jølster. Han trur dette vil by på store problem.

Jølstravatnet er nemleg eitt av fleire fiskevatn i Norge der det er ei midtsone, der ein kan fiske gratis. Dette kjem for dagen etter at grunneigarane langs Jølstravatnet i årevis har selt fiskekort for fiske i heile vatnet.

For atrikkel og bilde

http://www3.nrk.no/distrikt/sogn_og_fjordane/nyhende/1809827.html